Elsikkerhet Møre AS utfører lokalt eltilsyn og andre oppgåver for nettselskap i Møre og Romsdal, samt opplæring innanfor elsikkerheit. Selskapet har hovudkontor i Ørskog, og kontor i Ålesund, Herøy, Ørsta og Valldal. Grunna avgang ved oppnådd pensjonsalder søkjer vi etter nye medarbeidarar.
Ved vårt kontor i Dragsund i Herøy har vi 2 ledige stillingar som:

Tilsynsingeniør / Installasjonsinspektør.

Vi søkjer etter 2 tilsynsingeniørar som kan vere med på å auke elsikkerheita i området. Arbeidet vil omfatte kontroll av elektriske anlegg i bustadhus, landbruk og industri, samt rapportskriving og oppfølging. Primært virkeområde vil vere i Tussa Nett sitt forsyningsområde, men oppdrag i andre delar av selskapet sitt virkeområde må i periodar påreknast. Søkjarar må tilfredsstille krav til installasjonsinspektør i samsvar med kvalifikasjonsforskrifta, minimum Teknisk fagskule (elkraft) og montørsertifikat Gr. L. Forskrifta er under revisjon. Arbeidsbil vert stilt til disposisjon.

Ønska kvalifikasjonar:

• Brei erfaring frå installasjon i bustadhus og industri
• Erfaring frå kontrollverksemd
• IKT-kunnskap

Personlege eigenskapar:

• Evne til å jobbe sjølvstendig, systematisk og strukturert
• Gode kommunikasjonsevner
• Positiv, serviceinnstilt og kundeorientert
• God skriftleg- og muntleg framstillingsevne
• Like både komplekse saker og meir rutineprega oppgåver
Vi tilbyr deg utfordrande og varierte arbeidsoppgåver i eit selskap med ambisjonar og potensial. Elsikkerhet Møre har godt arbeidsmiljø som vektlegg kompetanseutvikling. Selskapet tilbyr konkurransedyktige vilkår samt fleksible arbeidstidsordningar.
Ta kontakt med dagleg leiar Roar Valdal på tlf. 971 35 350 ved spørsmål om stillingane. Søknad med CV sendast snarast, og seinast innan 1. april 2012 til roar.valdal@eltilsyn.no eller til Elsikkerhet Møre AS, Postboks 220, 6249 Ørskog. Sjå også vår heimeside www.eltilsyn.no